广州女生黎黎去去就哩两三句,因为她们只会讲哩D口头禅咯~
「吃喝玩乐在广州」每日搜寻广州各个角落的美食、玩乐、奇闻、趣事,第一手新鲜资讯,锁定吃喝玩乐在广州,多一点惊喜与感动!
来源丨网络,版权归原作者
如有侵权请联系我们,我们马上删除
带你搞定口是心非的广州女仔~
1、“等阵”危险指数:★
广州女仔最常讲的一句话。话就话一阵,分分钟等几粒钟。当然“等阵”究竟要等几耐,要具体情况具体分析,如果女仔化紧妆,咁真系恭喜你啦,有大把时间挥霍,食翻个点心都仲得;如果女仔叫你等阵去接佢,我建议你马上就去啦。
2、“唔系啩”危险指数:★★★
要知道当女仔讲出呢句话噶时候唔系想同你讨论,系需要你答:“梗系唔系啦!”经过反复验证,只有咁答先能够避免受到进一步噶伤害。
3、“靓仔”危险指数:★★
要知道系广州,只要你系男噶,都会被叫做“靓仔”,唔好唸咁多,呢个口头禅同你噶样无关。阿姨一句靓仔,可能叫你帮衬买野,靓女一句靓仔可能只系问路。总之,如果你行紧街,特然有听度有人叫你靓仔,千奇唔好以为自己系男神,小心会出事吖。
4、“嗯,好啊”危险指数:★★★
听到呢句话,你以为得到女仔噶赞同?!唸!太!多!呢句话完全没有兴奋噶意思!距只不过系表达距噶无奈,情绪化的开端,男士需注意!
5、“麻麻地”危险指数:★★★
一句“麻麻地”,有著两种截然相反噶意思。如果形容自己,通常都只系谦虚,话唔埋大有来头,根本唔系麻麻地。如果系话其他事物,女仔话“麻麻地”?就系一d都唔like啦!
6、“你中意啦”危险指数:★★★★
呢句话一出,就表明女仔无眼睇,由你话事。不过你要知道,如果唔按距心意简嘢,迟早都会被距话,“就知道会咁样,都叫咗你简其他啦~”
7、“是但啦”危险指数:★★★★
有时候是但,就意味著随便,由你话事。但事实上又系唔系由你话事呢?女仔口讲就话“是但”,不过心底已经早有选择。所以广大男仔就要认真观察呢个时候女仔噶情绪,很大程度系代表唔耐烦,咁就要识得见风使舵嘞。
8、“你讲咩话?”危险指数:★★★★
当女仔大大声讲呢句说话,就表明你讲噶说话已经激嫐佢啦。声音越大,音调越高,你就越危险!最好噶解决办法就系马上讲翻句“我讲笑姐”,否则后果自负。
9、“你话嘎”危险指数:★★★★
一旦女仔讲呢句话,无论你讲过D咩,都要保证做到,想出尔反尔?霖你都唔好霖啊!
10、“我无野吖”危险指数:★★★★★
如果你真系信,咁就真系大锅啦。女仔讲无野,其实系想你关心同锡翻佢,尤其当你激嫐佢个阵,你以为真系可以当无事发生过啊?电影都话啦,女仔就系口是心非,唔讲,但又要你晓!